1.Cambary Pu ih capoh pawl I
August 19, 2010
Nu maw pa
Voikhat ah
Nupi nu pakhat nau a nei zik. A sanpek a har nasa. A sang nasa. A tha
hmuah a cem thluh. Na tuk in a sangnak ah rin lopin a ek tan te a rak
pawt. Cui nupi nu cu, “nu maw pa si” tiah a rak sut.
Zakkia kai seh
Viokhatah
Saya pa pakhat in Pathian thu a si. A thusim a thaw nasa. “Jesuh le a
dung thlun tu pawl cu Jericho khua lam pan in an feh laiah Peter cu
theipi kung parah a kai ih!!!!!!!!!” Culai fangah mipi lak ih sin nauhak
pa pakhat in, “Sazapa Peter a si lo Zakkia sawn si,” tiah a ti. Thusim
tu pa tla cu mihmai danglam nak um lo ten,”Khah Peter nang tum! Zakkia
sawn kai seh.”
Kan sam sau ve maw?
Cui sazapa thotho cu Pathian
thusim an sawm lala. A thusim cu a tui thei nasa. “Duhdawtmi mi nu le
pa, U le nau, Samson cu a sam a sau. Pathian ih pek mi a si. A sam ah
cahnak a um. U nau tu ni ah kan samsau ve maw?”
Bet na duhmaw?
Voikhatah tlangval pa pakhat
mopuai ah rawl a ei. Fala mawi zet nu hmai ah a to ngah ngel vel. Saruh
duhzet tu a si vek in tihang sung ta saruh tumpi cu a lak. Vansiatnak ah
a saruh cu a hmin tha lem lo. A teuh nasa nak ah a kiang ih nauhak pa a
khawng ngah. Cui nauhak pa cu tohkheng par in a tla in a tap. Cui
tlangval pa cu ti ngaihnak a thei lo ih a ning zak phen ah, “nauhak tho,
bet na duh maw!!bet na duh maw!!!!!!!!!!!”
Zu ri te pahnih
Voikhat ah
rauhvah te pahnih zu an in, an in nasa. An mah cu sankhat nunah an tiih,
a hmi tthattha thawn a in. Vok saril an cah. An ri nasa thlang. An
saril te cu an ei theh thei lo ih a rual pa in a bawngbi zaal ah a pai.
Cutincun inn lam an pan. An inn zin ah tlangleng zin zawh in a tlung.
Cunah Vala in ka rual, “lei tlun ah hi tluk ih lilawn sau ka zawh dah
hrih lo” a ti. Tawk fang in a rual pa cu zun a pah in a thawh tum nan a
mah ten a thawh theilo. Ka rual, “kei mah ten zun ka thawh thei lo in
bawm aw” tiah a ti. Vala cun a bawm. A zip a phawhsak hmang a ti nan a
bawngbi zal lam kha a pur ngah. “Aw ka rual ka thamngah zo. Ka lo phorh
sak ding. A lala sorry si. Na thil ka botcet ngah. A rualpa ve cun,
“curuangah si ding ka kawng karlak in thi sa zet in a luang.”
A takah cu a
zal sungih voksaril hlei kha a lak ngah mi a si. A rual cu a zunphah
celh lo ah a rak thlau ta. Cucu thi luangah a rak ruat ve.
Bawm 12
U Bil cu khawm zuam lo zet mi pa
asi. Voikhat ah an nu in, “papi tu tum cunakhawm tengteng a tul.
Crusade tuah tu kan saza paih thusim a tha tuk lawm mam.”Cutiih an nu ih
fohfial ruangah a khawm ve. Peih lem lo ih khawm ti cu thusim sungah a
it that phah. Thusim tu pa ih Samaria mi tha pa tahthimnak cu a ngai
ngah cu hnu ah a it that sal. Cu thluh in thusim tu paih, thlaici vorh
tu pa thu, leithatnak, zinkap, hlinglak le leicarnak ih thlai ci an tla
thu a ngai ngah lala. Netabikah Jesuh ih Mi 5000 rawl a do thu,le bawm
12 a hlei thu a ngai ngah. Cuti cun in thuasuah thangthatnak hla an sak
ih khawm cu an tiak.
Posted by Bawite Bless
